21. KORRIKA TXIKIA

Atzo, apirilaren 10ean, Barakaldoko Korrika Txikia ospatu genuen. Aurtengoa "Klika" izeneko kanpaina duena.
Goizean hasita eguerdira arte ekintza ezberdinak izan ditugu eta denak ilusio handiz aurrera eraman ditugu.
 GORA EUSKARA, BIHOTZETIK AHORA!!!!

LARRAZABALEKO BASOA ETA ORTU EKOLOGIKOA

   Aste honetan, 3. mailakoak Barakaldoko auzo batera joan gara, Kastrexanara, hain zuzen. 
Kastrexanako leku desberdinetan egon gara:  aintzinako eskolan, Larrazabaleko basoan eta ortu ekologikoan.
   Haraino, autobusez joan gara eta bertan 2 taldetan banatu gaituzte.
   Lehenengo, talde batekoak eskolako liburutegian ekintza interesgarriak burutu ditugu, hau da, naturako gaietaz hitz egin, jolasen bidez ariketak,  mikroskopio batetik intsektuak ikusi, mimika egin, Kastrexanako zubiari buruzko kondaira entzun eta kutxa misteriotsuetan eskua sartu barruan dagoena asmatzeko.
   Gero,laborategi bat ikusi dugu eta ... benetako eskeleto bat egon da!
   Hamaiketakoa jan ondoren, lehenengo taldekoak basorantz abiatu gara zuhaitzak eta animaliak aztertzeko.
   Ortu ekologikoko negutegian, dilistak landatu ditugu eta  eskolara jaitsi gara eramandako arropa zaharra erabiliz txorimalo bat egin dugu. Josepi izena jarri diogu.
   Aintzinako eskolako gela ere ikusi dugu, garai hartako jostailu, laminak, tintaontzia, idaz-lumak, balantzak, liburuak, arbel txikiak, kanpaitxoa, munduko bolak, mineral bilduma... Denekin harrituta geratu gara.
   Azkenean, txorimaloarekin argazki bat atera dugu eta autobusera bueltatu gara.

   Txango honetan, asko ikasi dugu eta primeran pasatu dugu!!! 

 

KONTSUKO TAILERRAK

Urtarrilaren bigarren astean, 3. mailakoak kontsumo tailerrak izan ditugu.
Lehenengo egunekoa, ELIKAGAIEN EKOIZPENA izan da eta jogurta egiten ikasi dugu.
Hurrengo egunean, egindako jogurta askaltzeko aukera izan dugu, gozo-gozoak atera direlako.

Beste tailerra ENERGIA rena izan da. Hau ere oso interesgarria iruditu zaigu.
Energia mota ezberdinak aztertu ditugu eta Haize- errota bat egin dugu.

Tailerren bidez asko ikasi eta disfrutatu dugu.

ASKARITXO OSASUNGARRIA

Gaur, Gabonetako oporrak hartu baino lehen, Olentzero, Mari Domingi eta beste abesti berri batzuk kaletik abesti ditugu. Oso gustura ibili gara eta entseguetan baino hobeto abestu dugu.

Indarrak errekuperatzeko, askaritxo goxoa eta osasungarria antolatu dugu. denetarik jarri dugu: fruta, fruitu lehorrak, patata-tortila, bizkotxoa, sagar tarta, olibak, sanwich ezberdinak...
Goxo-goxo zeuden eta gainera edateko laranjazko zuku naturalak eta beste zaporeetako zukuak izan ditugu.

ZORIONAK ETA URTE BERRI ON GUZTIOI!!!!
 
Hona hemen zuek ikusteko argazkiak:

"ONDO ELIKATU ETA OSASUNTSU BIZI"

3. mailan, lantzen ari garen proiektua "ONDO ELIKATU ETA OSASUNTSU BIZI" deitzen da.
Azaroaren 12a, obesitatearen munduko eguna izan zen eta Natura arloan "Gure elikadura"gaiarekin hasiko ginenez, obesitatea prebenitzeko aholkuak taldeka jarriz bilatuko genituen eta elikagaien gurpilean oinarrituta, aholku batzuk atera genituen.

Beste geletan aurkezpena egin eta aldi berean "tertulia" moduko bat burutu genuen ikasitakoa kontuan hartuz.
Informatu dizuegun bezala, gure asmoa "askaritxo osasungarria" egitea da eta zuen seme-alabek ekarri ahal dutena e-mailez bidali dizuegu.
Zuen laguntzaz, ziur hobeto elikatzea posible izango dela eta obesitatea prebenitzen lagunduko duzuela.

Prestatu eta aurkeztu genuen dokumentua zuen seme-alabekin partekatuta dago google dokumentuetan.  

Oso gustura parte hartu dute proiektu honetan eta uste dugu etxekoei
 gomendioak emateko ere balio izango duela. 

PRIMERAN EGON DA!!! 

FRUTAREN ASTEKO EKINTZA BAT

    Aste honetan, gure hamaiketakoa aztertzen ari gara eta frutari garrantzia eman nahi diogunez, gelan ekintza ezberdin bat proposatu dugu. Hau da, bakoitzak fruta pieza edo ale bat ekartzea eta gelako beste kide bati oparitzea.
 Denok ekarriz gero, ez da geratuko inor fruta jan gabe.
Ekarritakoa trukatu dugu eta poz-pozik jan dugu.

ON EGIN ETA OSASUNTSU BIZI!!!!